ట్రక్కు నిండా గులాబీలు పంపాడు: నటి

ముంబై: తన కెరీర్‌ ప్రమాదంలో పడుతుందన్న భయం కారణంగానే పెళ్లి విషయాన్ని కొన్నాళ్లపాటు దాచిపెట్టానని బాలీవుడ్‌ ప్రముఖ నటి జూహీ చావ్లా తెలిపారు. తనను అత్యంత జాగ్రత్తగా చూసుకునే వ్యక్తే తనకు భర్తగా దొరికారని మురిసిపోయారు. అగ్ర హీరోయిన్‌గా వెలుగొందుతున్న సమయంలోనే జూహీ చావ్లా తన వ్యాపారవేత్త జై మెహతాను రహస్యంగా వివాహమాడిన సంగతి తెలిసిందే. జై మెహతా మొదటి భార్య మరణించిన దాదాపు ఆరేళ్ల తర్వాత వీరిద్దరి పెళ్లి జరిగింది. కాగా ఇటీవల రాజీవ్‌ మసంద్‌కు ఇచ్చిన ఇంటర్వ్యూలో జూహీ చావ్లా తన పెళ్లి నాటి సంగతులను గుర్తుచేసుకున్నారు.